قصائد عن الوطن

موضوع: قصائد عن الوطن الأحد فبراير 19, 2012 2:40 pm

من قصائد بدر بن عبد المحسن في الوطن

اضربي دفوفك ..
وسلي سيوفك ..
وغطي كتوفك .. بلادي بالعلم
جاوبي الشيله ..
واعرضي الليله..
وافرحي .. لين تحسدنا الأمم
امسكي ذراع .. حبيبك فهد
ما احد مثله .. ولا مثلك احد
طاهرة رمالك ..
وعالية جبالك ..
ونعم برجالك .. قناديل الظلم
انتي الأول ..
وانتي الأجمل ..
وانتي بك مهد الرسالة والحرم ..

$$ قصيدة الأرض $$

انا من هالأرض .. أمي الصحراء .. احضنتني رمالها
وارتويت بطهرها .. أطعمتني تمرها .. وفرشت لي ظلالها
انا من هالأرض اللي مال عيالها .. غيرها أرض

***
عاشقٍ هالرمل .. من خلقني الله .. لين أموت
عاشقٍ جرد الروابي .. والفيافي والخبوت
عاشقٍ طين البيوت .. وفتلة خيوط الوبر
عاشقٍ مافي البشوت .. من عطا وطيب وفخر

حبيبتي .. ما أجملك ..
العشق لك .. والمجد لك ..
يكفي القصايد فخر .. لو توصلك ..
امد لك .. زهرة خزامى .. وامد لك غيمة تهامى
وفنجال .. من كف النشامى
يا مجدّله شعرك نفود .. وعالي جبينك هالنجود
وقلبك هضابٍ بينها .. أطهر مكانٍ في الوجود

قالوا : البيت الحرام .. قلت : ارضي
قالوا : الشرع الامام .. قلت : ارضي
قالوا : الحب السلام .. قلت : ارضي
قالوا : في مدحك نزود .. قلت : يفداها الحسود
ما على هالارض .. ارض مثل أرضي

$$ قصيدة الله أحد $$

الله أحد.. وارضي بعد ..
ارضي تحت ظل الفهد ..
في يدنا كتاب الله .. وفي يدنا الحسام
إخوان من طاع الله .. في حرب وسلام
الله معك يا بلادي ..
حنا الوفا من طبعنا .. وعادتنا طيب وكرم
حكامنا من شعبنا .. هذا اخو وهذا ابن عم
حنا جسد فيه الفهد روح .. حنا بلد للخير نبني صروح
في يدنا كتاب الله .. وفي يدنا الحسام
إخوان من طاع الله في حرب وسلام
الله معك يا بلادي ..
لي ديرةٍ عالي السحاب .. يسكن في شم جبالها
اطهر ثرى .. وأغلى تراب .. تفخر بفعل رجالها
حنا جسد فيه الفهد روح .. حنا بلد للخير نبني صروح
في يدنا كتاب الله .. وفي يدنا الحسام
إخوان من طاع الله في حرب وسلام
الله معك يا بلادي ..

شكرا لك على هذه القصيدة الاكثر من رائع

وانت اروح بعد

مشكور

يسلمووو يا اخي العزيز على الجهد الرائع

تسلم

ثانكس

نتظر ابداعك

» قصائد حـــــــــــ ب ـــــــــــــــــ
» أجمل قصائد الشعر الشعبي 1
» أجمل قصائد الشعر الشعبي 2
» أجمل قصائد الشعر الشعبي 3